ՏԵՍԱՆՅՈՒԹ. Հունաստանում անտառային հրդեհների մարման ժամանակ ինքնաթիռ է կործանվել
Հունաստանում անտառային հրդեհների մարման ժամանակ Canadair տիպի հրշեջ ինքնաթիռ է կործանվել։ Այս մասին հայտնում են տեղական լրատվամիջոցները: Վթարը տեղի է ունեցել Էվիա կղզու Կարիստոս քաղաքի մերձակայքում։
Դեպքի վայր է ուղարկվել փրկարարներով ուղղաթիռ։
Ինչպես հաղորդվում է, ինքնաթիռում երկու օդաչու է եղել։ Նրանց հետ կապ կորել է։ Ենթադրաբար նրանք մահացել են, սակայն որևէ պաշտոնական տեղեկատվություն չկա:
Ինչպես ավելի վաղ հաղորդել էինք, որ Հունաստանի մի շարք կղզիներում, այդ թվում՝ Էվիայում, Կորֆուում, Հռոդոսում և Կրետեում, անտառային հրդեհներ են մոլեգնում։ Հազարավոր մարդիկ տարհանվել են։
