ՏԵՍԱՆՅՈՒԹ. Պարեկին վրաերթի ենթարկեցին. Բաղրամյան-Պռոշյան խաչմերուկում իրավիճակը լարվեց
Քիչ առաջ Բաղրամյան-Պռոշյան խաչմերուկում բողոքի ակցիայի ժամանակ «Մայբախ» մեքենայի վարորդը վրաերթի է ենթարկել պարեկային ծառայողներից մեկին: Տեսակադրերում երևում է, որ վերջինս կարողանում է կանգնել, սակայն վնասվածք ունի: Ակցիայի մասնակիցները շտապօգնություն կանչեցին և պարեկին պատգարակի օգնությամբ տեղափոխեցին հիվանդանոց:
Հիշեցնենք, որ այս րոպեներին Էջմիածնի «Քիմիկների զորամաս»-ի անհետ կորած ու գերիների զինծառայողների հարազատները բողոքի ակցիա են իրականացնում: Նրանք պահանջում են վարչապետ Նիկոլ Փաշինյանի հետ հանդիպում:
Նշենք, որ փակել են Բաղրամյան-Պռոշյան խաչմերուկը, որտեղ պարբերաբար վիճաբանություն տեղի է ունենում ակցիայի մասնակիցների և վարորդների միջև:
Մանրամասները` տեսանյութում:
