Ռուսաստանի նախագահ Վլադիմիր Պուտինը հայտարարել է, որ Ռուսաստանը կվերադառնա հացահատիկի գործարքին, եթե իր գյուղատնտեսական ապրանքների արտահանման սահմանափակումները չեղարկվեն: Այս մասին նա հայտարարել է կառավարության հետ հանդիպմանը, փոխանցում է ТАСС-ը։ 

Նրա խոսքով՝ գործարքի վերսկսման մյուս պայմանը Տոլյատի-Օդեսա ամոնիակային խողովակաշարի վերականգնումն է։ 

Պուտինի խոսքով՝ հացահատիկի գործարքը վերսկսելու համար անհրաժեշտ է «վերադարձնել դրա մարդասիրական էությունը»։ 

Ավելի վաղ ԱՄՀ-ն հայտարարել էր, որ հացահատիկի գործարքի դադարեցումը սրում է պարենային անվտանգության հեռանկարը և կարող է վտանգ ներկայացնել աշխարհում պարենային ապրանքների գների լրացուցիչ աճի համար։