ՏԵՍԱՆՅՈՒԹ․ Չեխիայում ավտոբուսների բախման հետևանքով ավելի քան 70 մարդ է տուժել․ կա զոհ
Չեխիայի հարավ-արևելքում երկու ավտոբուսների բախման հետևանքով մեկ մարդ է զոհվել, ևս 76-ը վիրավորվել են, հայտնում է AP-ն՝ հղում անելով տեղի փրկարար ծառայությանը։
Վթարը տեղի է ունեցել Բռնո քաղաքի մոտ՝ D2 մայրուղու վրա, որը Բռնոն միացնում է Բրատիսլավային։ Ավտոբուսները գնացել են մի ուղղությամբ, որոնցից մեկը հետևից բախվել է մյուսին։ Վարորդներից մեկը մահացել է։ 14 մարդ ծանր վնասվածքներով ուղղաթիռներով տեղափոխվել է հիվանդանոցներ։
Մայրուղու երթևեկությունը երկու ուղղություններով մի քանի ժամ փակ է եղել, ինչը խոշոր խցանումներ է առաջացրել։
Ավտոպատահարի պատճառները պարզվում են։
