ՌԴ-ի միջուկային նախագծերն առաջադեմ են ԱՄՆ-ից. Պեսկովը՝ Երևան-Վաշինգտոն համագործակցության մասին
Ռուսաստանի նախագահի մամուլի քարտուղարը լրագրողների հետ զրույցում նշել է, որ Ռուսաստանի միջուկային ոլորտի նախագծերն ավելի առաջադեմ են, քան ԱՄՆ-ինը, իսկ մատուցվող ծառայությունների արժեքը՝ ավելի ցածր։
«Ինչ վերաբերում է ատոմային էներգիայի ոլորտում Հայաստան-ԱՄՆ համագործակցությանը, այնտեղ կան հին խորհրդային օբյեկտներ, որոնք, իհարկե, խորհրդային և ռուսական նախագծի են։ Այստեղ Ռուսաստանն անկասկած ունի ավելի մեծ փորձ և ավելի մեծ մրցունակություն», - նշել է Կրեմլի խոսնակը։
Պեսկովը նաև նշել է, որ եթե գործընկերները պահանջեն միջազգային մրցակցության ամենաբարձր մակարդակ, Ռուսաստանը պատրաստ է դիմակայել դրան։
«Ռուսաստանը ի վիճակի է ապահովել ավելի լավ որակ, ավելի քիչ գումարով», - ասել է Պեսկովը։
