Ռուսաստանը ԱՄՆ-ից պարզաբանում կխնդրի Վենեսուելայի նավթային արգելքի շուրջ

Ռուսաստանը կօգտագործի ԱՄՆ-ի հետ առկա հաղորդակցության ուղիները՝ Վենեսուելայի նավթային գործարքներին մասնակցելու արգելքը պարզաբանելու համար: Այս մասին ճեպազրույցի ժամանակ հայտարարել է ՌԴ նախագահի մամուլի քարտուղար Դմիտրի Պեսկովը։

«Սա նոր որոշում է։ Մենք կօգտագործենք ամերիկացիների հետ առկա հաղորդակցության ուղիները՝ իրավիճակը պարզաբանելու համար»,- ասել է Պեսկովը:

«Մենք ներդրումների երկարաժամկետ նախագծեր ունենք Վենեսուելայում, մեր Վենեսուելայի գործընկերները, ինչպես նաև մենք շահագրգռված ենք: Այս ամենն առիթ է իրավիճակն ամերիկացիների հետ քննարկելու համար»,- եզրափակել է նա։