ԱՄՆ-ում ինքնաթիռը վայրէջք է կատարել մայրուղու վրա․ կան վիրավորներ
ԱՄՆ Ջորջիա նահանգի Գեյնսվիլ քաղաքում միաշարժիչ Hawker Beechcraft BE-36 ինքնաթիռը արտակարգ վայրէջք է կատարել մարդաշատ մայրուղու վրա՝ վնասելով մի քանի տրանսպորտային միջոցներ։ Ինքնաթիռի շարժիչը խափանվել է Գեյնսվիլից թռիչքից հետո։
Ըստ օդաչուի՝ նա փորձել է վերադառնալ հրահանգի համաձայն, բայց գիտակցելով, որ չի կարողանա հասնել օդանավակայան, որոշել է վայրէջք կատարել ճանապարհին։
Միջադեպի հետևանքով երկու մարդ ստացել է թեթև վնասվածքներ և հոսպիտալացվել։
Իրավապահ մարմինները շարունակում են հետաքննությունը և գնահատում վնասի չափը։
