Կրակոցներ՝ Կանադայի ավագ դպրոցում. կան զոհեր

Կանադայի նահանգներից մեկի ավագ դպրոցում արձանագրված կրակոցների հետևանքով մահացել է 10 մարդ, այդ թվում՝ կրակողը։ Երկու տուժած ծանր վնասվածքներով տեղափոխվել է հիվանդանոց, իսկ շուրջ 25 մարդ անցնում է բժշկական զննում։

Նախնական տվյալներով՝ կրակողը եղել է շագանակագույն մազերով կին։

Դեպքի վայր ժամանած ոստիկանները դպրոցում հայտնաբերել են վեց զոհ, ևս մեկը մահացել է հիվանդանոց տեղափոխելու ընթացքում։ CBC-ի հաղորդմամբ՝ ևս երկու զոհ հայտնաբերվել է այն վայրում, որտեղ, ոստիկանության տեղեկությամբ, հավանաբար տեղի է ունեցել միջադեպը։

Ոստիկանությունը շարունակում է որոնել հնարավոր այլ տուժածների։