Քաղաքականություն

Փելոսիի արձագանքը՝ Վենսի Հայոց ցեղասպանության վերաբերյալ գրառումը ջնջելուն

Փելոսիի արձագանքը՝ Վենսի Հայոց ցեղասպանության վերաբերյալ գրառումը ջնջելուն
ԱՄՆ Ներկայացուցիչների տան նախկին խոսնակ Նենսի Փելոսին արձագանքել է փոխնախագահ Ջեյմս Դի Վենսի կողմից Հայոց ցեղասպանության վերաբերյալ գրառման ջնջմանը։ «Երբ ես 2022 թվականին այցելեցի Հայաստան որպես…

ԱՄՆ Ներկայացուցիչների տան նախկին խոսնակ Նենսի Փելոսին արձագանքել է փոխնախագահ Ջեյմս Դի Վենսի կողմից Հայոց ցեղասպանության վերաբերյալ գրառման ջնջմանը։


«Երբ ես 2022 թվականին այցելեցի Հայաստան որպես խոսնակ, մեր Կոնգրեսի պատվիրակությունը կանգնած էր Ծիծեռնակաբերդում և հստակ ու առանց ներողություն խնդրելու խոսեց Հայոց ցեղասպանության մասին, քանի որ ճշմարտությունը կարևոր է»,- X-ի իր միկրոբլոգում գրել է Նենսի Փելոսին՝ անդրադառնալով Հայաստան պաշտոնական այցի շրջանակում ԱՄՆ փոխնախագահի կողմից Ցեղասպանության վերաբերյալ գրառումը ջնջելուն։


Նա նշել է, որ այդ ճշմարտությունը հաստատվել էր 2019 թվականին, երբ Ներկայացուցիչների պալատը մեծամասնությամբ ընդունեց երկկուսակցական բանաձևը, որը ճանաչում էր Հայոց ցեղասպանությունը, ինչպես նաև 2021 թվականին, երբ նախագահ Բայդենը պաշտոնապես ճանաչեց այն՝ ցուցաբերելով բարոյական առաջնորդություն։


«Դիրքորոշում, որը ամոթալի կերպով չեղյալ հայտարարեց Թրամփի վարչակազմը։ Խորապես հիասթափեցնող է, թեև զարմանալի չէ, տեսնել, թե ինչպես է փոխնախագահը ջնջում այդ ճշմարտությունը ճանաչող գրառումը։ Պատմության ջնջումը անարգում է զոհերին և թուլացնում մեր հանձնառությունը մարդու իրավունքների նկատմամբ ամենուրեք»,- գրել է ԱՄՆ Ներկայացուցիչների տան նախկին խոսնակ Նենսի Փելոսին:




Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (8290) Միջազգային (3573) ԱՄՆ (2408) Ռուսաստան (2329) Իրան (1808) Ընտրություններ (1286) Ուկրաինա (947) Երևան (830) Իսրայել (771) Ադրբեջան (689) Փաշինյան (624) Եվրոպա (540) Ազգային ժողով (527) Ընդդիմություն (506) Թրամփ (464)

Radio Aurora

Լսել Radio Aurora

Գովազդային տարածք

300x250