Տարեկան զննումները ժամանակի ընթացքում կդառնա պարտադիր. Ավանեսյան
Առողջության համընդհանուր ապահովագրությունից օգտվող քաղաքացիները կարող են տարին մեկ անգամ անցնել զննումներ։ Առողջապահության նախարարությունը խրախուսում է այդ քայլը։ Լրագրողների հետ զրույցում ասել է Առողջապահության նախարար Անահիտ Ավանեսյանը, ժամանակի ընթացքում դա կդառնա պարտադիր։
«Տարեկան զննումները ժամանակի ընթացքում կդառնա պարտադիր։ Քայլեր ենք անում նաև, որպեսզի տարեկան զննումն անցնելու հարմարավետությունն էլ ապահովենք: Առաջիկայում ArMed-ում գործիքները կբացվեն, հիմա փորձարկման ընթացքում ենք, ըստ որի՝ կլինի օնլայն տարեկան զննման հարցաշար, անձը կլրացնի այդ հարցերը, կհաշվարկվեն նրա հիվանդացության ռիսկի ուղղութունները, և արդեն շատ ավելի սպեցիֆիկ հետազոտությունների ու հետագա քայլերի խորհրդատվություն կստանա»,- ասել է նախարարը:
