Պեսկովը մեկնաբանել է Վենսի այցը Հայաստան և Ադրբեջան

ՌԴ նախագահի մամուլի քարտուղար Դմիտրի Պեսկովը մեկնաբանել է ԱՄՆ փոխնախագահ Ջեյ Դի Վենսի այցը Հայաստան և Ադրբեջան։

Պեսկովը նշել է, որ նշված երկրները ինքնիշխան պետություններ են և իրավունք ունեն զարգացնելու համագործակցությունը այլ պետությունների հետ։ Նրա խոսքով՝ յուրաքանչյուր երկիր ինքնուրույն է որոշում իր արտաքին քաղաքական կապերի ուղղություններն ու ձևաչափերը։

Կրեմլի խոսնակը հավելել է, որ նման շփումները երկկողմ հարաբերությունների հարց են և հանդիսանում են տվյալ պետությունների իրավասության շրջանակում։ Նա նաև ընդգծել է, որ Ռուսաստանը հետևում է տարածաշրջանային գործընթացներին։