ԼՈՒՍԱՆԿԱՐՆԵՐ․ Իսպանիայում մեկնարկել է Սան Ֆերմին փառատոնը․ ցլերի հետ վազքի ժամանակ արդեն 6 մարդ է տուժել

Իսպանիայի Պամպլոնա քաղաքում սկսվել է «Սան Ֆերմին» փառատոնը, որի ժամանակ մարդիկ դուրս են գալիս ցլերի հետ վազքի: Այս մասին հայտնում է Ap news-ը։

Հաղորդվում է, որ հազարից ավելի մարդիկ են մասնակցում այս փառատոնին։

«Վազողներից մի քանիսը հարվածներ են ստացել, վայր են ընկել, սակայն ցլերը նրանց չեն պոզահարել» ,- նշվում է հաղորդագրությունում։ 

Ըստ Կարմիր խաչի տարածաշրջանային գրասենյակի՝ այս տարի դեռևս 6 մարդ է տւժել։

Միջոցառումը սկսվել է տեղի ժամանակով առավոտյան ժամը 8-ին։ Այն կտևի մեկ շաբաթ։ Պարբերականը նաև գրում է, որ 1910 թվականից ի վեր ցլերի հետ վազքի ընթացքում 16 մարդ է մահացել։ Վերջին մահվան դեպքը գրանցվել է 2009 թ․-ին։

[402cc7dfc6671d2d2bfb1ecdbbea0ea3.png]

[eb92f132a4be0889a759ae7522651ac6.png]

[672109cdcbdf85438eee1cc394f84828.png]