Զոհվել է 4 մարդ, ևս 8-ը` վիրավորվել. Ֆիլադելֆիայում զանգվածային հրաձգություն է եղել
Առնվազն չորս մարդ է զոհվել Ֆիլադելֆիայի (ԱՄՆ) հարավ-արևմուտքում գտնվող Քինգսեսինգ շրջանում զանգվածային հրաձգության հետևանքով։ Այս մասին գրում է Iz.ru-ն:
ABC հեռուստաալիքն էլ նշում է, որ 8 մարդ վիրավորվել է, այդ թվում՝ երկու անչափահաս։ Դեռահասներից մեկը տեղափոխվել է պետական մանկական հիվանդանոց, երկրորդի վիճակի մասին մանրամասներ չկան։
Միջադեպը տեղի է ունեցել Հարավային 56-րդ փողոցի և Չեսթեր պողոտայի մոտ, և ավելի ուշ այնտեղ հայտնաբերվել է վեց պարկուճ։
Իրավապահները արագ ձերբակալել են կասկածյալին։ Նրա մոտից առգրավվել է ինքնաձիգ, ատրճանակ և լրացուցիչ պահունակներ՝ զինամթերքով։
