ՆԱՏՕ-ն 700 զինծառայող կուղարկի Կոսովո
ՆԱՏՕ-ն անվտանգության նկատառումներով Կոսովոյում լրացուցիչ 700 զինվոր կտեղակայի և անհրաժեշտության դեպքում կպատրաստի ևս մեկ գումարտակ տեղակման համար: Այս մասին երեքշաբթի Օսլոյում կայացած մամուլի ասուլիսում, որը հեռարձակել է ՆԱՏՕ-ի մամուլի ծառայությունը, ասել է դաշինքի գլխավոր քարտուղար Յենս Ստոլտենբերգը, գրում է ТАСС-ը։
«Կոսովոյում ՆԱՏՕ-ի ուժերը կձեռնարկեն բոլոր անհրաժեշտ գործողությունները՝ ապահովելու տարածաշրջանի ողջ բնակչության անվտանգությունը»,- ասել է Ստոլտենբերգը։
Նա նշել է, որ ՆԱՏՕ-ն լրացուցիչ 700 զինծառայող կուղարկի Կոսովո և կբարձրացնի մեկ այլ գումարտակի պատրաստվածության մակարդակը, որ անհրաժեշտության դեպքում այն ուղարկվի:
