WhatsApp-ի օգտատերերն այժմ կկարողանան խմբագրել ուղարկված հաղորդագրությունները ուղարկելուց հետո 15 րոպեի ընթացքում: Թարմացման մասին մեսենջերի ադմինիստրացիան տեղեկացնում է իր բլոգում։

Հաղորդագրությունը փոխելու համար անհրաժեշտ է մուտք գործել ընտրացանկ և ընտրել «Խմբագրել» կետը:

Նշվում է, որ զրուցակիցները հաղորդագրության վրա կտեսնեն «Փոփոխված» նշանը, սակայն չեն կարողանա տեսնել խմբագրումների պատմությունը։

Հիշեցնենք, որ մեկ շաբաթ առաջ մեսենջերը ներկայացրել է «զրույցի փակում» նոր գործառույթը, որը թույլ է տալիս անձնական նամակագրությունը պաշտպանել գաղտնաբառով կամ կենսաչափական տվյալներով։ Փակ երկխոսությունները պահվում են առանձին, դրանք կարելի է կարդալ միայն գաղտնաբառը մուտքագրելուց կամ կենսաչափական տվյալները սկանավորելուց հետո։ Այս զրույցների ծանուցումները չեն հայտնվում հիմնական էկրանին: