Ուկրաինան մտադիր է ոչնչացնել «Ռոսատոմի» մենաշնորհը Եվրոպայում․ էներգետիկայի նախարար

Ուկրաինան ձգտում է փոխարինել Ռուսաստանին միջուկային վառելիքի համաշխարհային շուկայում՝ հիմնելով միջուկային վառելիքի սեփական արտադրությունը։ Այս մասին հայտնել է Ուկրաինայի էներգետիկայի նախարար Հերման Գալուշչենկոն։ 

«Մենք խնդիր ունենք սկսելու ռեակտորի համար վառելիքի արտադրությունն ու ոչնչացնել «Ռոսատոմի» մենաշնորհը Եվրոպայում: Մենք ակտիվորեն աշխատում ենք միջուկային արդյունաբերության մեջ ռուսների դեմ պատժամիջոցներ սահմանելու ուղղությամբ, բայց պատժամիջոցներն ավելի արագ կշարժվեն, երբ Ուկրաինան կարողանա փոխարինել այն արտադրությունը, որը կատարվում էր միայն Ռուսաստանում»,- ասել է նա։

Մասնավորապես, Գալուշչենկոյի խոսքով, այդ նպատակին հասնելու համար անհրաժեշտ է կառուցել նոր միջուկային բլոկներ, ատոմակայաններ ու փոքր մոդուլային ռեակտորներ։