Կոնգոյում ջրհեղեղի հետևանքով զոհերի թիվը հասել է մոտ 440-ի
Կոնգոյի Դեմոկրատական Հանրապետության (ԿԴՀ) արևելքում գտնվող Հարավային Կիվու նահանգում ջրհեղեղի զոհերի թիվը հասել է 438-ի։
Տեղական ԶԼՄ-ների տվյալներով՝ երկու օր առաջ Բուշուշու և Նյամուկուբի գյուղերում սկսված հորդառատ անձրևները առաջացրել են Չիբիրա գետի վարարում։
Կառավարության խոսնակ Պատրիկ Մույայան հայտնել է, որ 26 անհետ կորածների մարմինները հայտնաբերվել են։
Նրա խոսքով՝ անհետ կորածների թիվը գերազանցում է 4000-ը։
Տարածաշրջանի մեծ թվով բնակիչներ անհետ կորած են համարվում։ Որոնողափրկարարական աշխատանքները շարունակվում են։
Գտնվելով արևադարձային կլիմայական գոտում՝ Կոնգոյի Դեմոկրատական Հանրապետությունը հաճախ բախվում է բնական աղետների անձրևների սեզոնին։
