Չավուշօղլուն՝ Սուդանում Թուրքիայի դեսպանի ավտոմեքենայի գնդակոծման մասին
Թուրքիայի արտգործնախարար Մևլութ Չավուշօղլուն հայտարարել է, որ Սուդանում Թուրքիայի դեսպան Իսմայիլ Չոբանօղլուի ավտոմեքենայի գնդակոծման հետևանքով ոչ ոք չի տուժել։
«Սուդանում ստեղծված իրավիճակի հետ կապված՝ որոշվել է մեր դեսպանատունը Խարթումից ժամանակավորապես տեղափոխել ավելի ապահով վայր՝ Պորտ Սուդան։ Անձնակազմը տարհանվել է, շարժման ժամանակ կրակել են դեսպանի մեքենայի վրա, տուժածներ չկան, միայն մեքենան է վնասվել»,- ասել է Չավուշօղլուն։
Հիշեցնենք՝ Սուդանում կրակել էին Թուրքիայի դեսպանի մեքենայի ուղղությամբ:
