ԼՈՒՍԱՆԿԱՐՆԵՐ. ՀՀ նախագահը մասնակցել է Չարլզ 3-րդի թագադրման արարողությանը
Հանրապետության նախագահ Վահագն Խաչատուրյանը մասնակցել է Մեծ Բրիտանիայի և Հյուսիսային Իռլանդիայի Միացյալ Թագավորության թագավոր Չարլզ Երրորդի թագադրության հանդիսավոր արարողությանը: Տեղեկությունը հայտնում է նախագահի մամուլի ծառայությունը։
Նախագահ Խաչատուրյանը մասնակցել է նաև Չարլզ Երրորդի անունից կազմակերպված ընդունելությանը և կարճ առանձնազրույցներ ունեցել թագավոր Չարլզ Երրորդի, ՄԹ վարչապետ Րիշի Սունակի, ՄԹ ԱԳ նախարար Ջեյմս Քլեվերլի հետ։
Հանրապետության նախագահը կարճատև զրույցներ է ունեցել նաև Էստոնիայի, Լիտվայի, Գերմանիայի, Իսրայելի, Թուրքմենստանի, Իրաքի, Լեհաստանի, Սլովենիայի նախագահների և Լիբանանի ու Եգիպտոսի վարչապետների հետ։
Հիշեցնենք՝ երեկ Լոնդոնում տեղի ունեցավ Չարլզ 3-րդի թագադրման արարողությունը։
