ԼՈՒՍԱՆԿԱՐՆԵՐ․ Տավուշում մեքենան բախվել է ժայռից պոկված քարին և բռնկվել. տուժածներ կան․ ՆԳՆ

Այսօր Դիլիջան-Իջևան ավտոճանապարհին վթար է տեղի ունեցել` հրդեհի բռնկմամբ։ Տեղեկությունը հայտնում է ՆԳՆ փրկարար ծառայության մամուլի բաժինը։

«Ժամը 21։33-ին Տավուշի մարզային ճգնաժամային կառավարման կենտրոն ահազանգ է ստացվել, որ Դիլիջան-Իջևան ավտոճանապարհին այրվում է ավտոմեքենա։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ»,– նշվում է հաղորդագրության մեջ։

Պարզվել է, որ Դիլիջան-Իջևան ավտոճանապարհի 7-րդ կմ-ին «Mercedes-Benz» մակնիշի ավտոմեքենան բախվել է ժայռից պոկված քարին և բռնկվել:

Նախնական տեղեկություններով` կան տուժածներ։

Հրդեհը մարվել է։

[e2389187031237bf4b8c1663c512dea7.jpg]

[450ac72fdcbd8a12a8d0ddf7d8b7ea72.jpg]

[3d4da4a5b5be31c204ef9e74e341d39b.jpg]

[f309e931424d58ec543c7f37d43ddaa2.jpg]

[f13b37ec587cfecdbbfc4a39ca2b705b.jpg]