89 տարեկանում մահացել է Նորվեգիայի թագավոր Հարալդ V-ը

Մահացել է Նորվեգիայի թագավոր Հարալդ V-ը։ Նա 89 տարեկան էր։

Նորվեգիայի թագավորական ընտանիքի հաղորդագրության համաձայն՝ Հարալդ V-ը մահացել է օգոստոսի 28-ին՝ առավոտյան ժամը 06:35-ին, հիվանդանոցում։

«Խորը վշտով հայտնում ենք Նորին Մեծություն թագավոր Հարալդի մահվան մասին»,- ասվում է թագավորական ընտանիքի հաղորդագրությունում։

Վերջին օրերին թագավորի առողջական վիճակը կտրուկ վատացել էր։ Նա շուրջ 10 օր գտնվում էր Օսլոյի համալսարանական հիվանդանոցում և բուժում էր ստանում արյան հիվանդության պատճառով։

Նախօրեին թագավորական պալատը նրա վիճակը գնահատել էր որպես «ծայրահեղ ծանր»։ Թագավորի ընտանիքի անդամները հավաքվել էին հիվանդանոցում, իսկ Օսլոյում քաղաքացիները ծաղիկներ էին տանում թագավորական պալատի մոտ։

Հարալդ V-ը Նորվեգիայի գահը զբաղեցնում էր 1991 թվականից և Եվրոպայի ամենատարեց պետության ղեկավարն էր։