Պենտագոնը կիրականացնի ռեկորդային 170 միլիարդ դոլարի զենքի գնում
ԱՄՆ պաշտպանական բյուջեն 2024 ֆինանսական տարվա համար (սկսվում է 2023 թվականի հոկտեմբերի 1-ին)՝ կկազմի 842 միլիարդ դոլար, և կներառի 170 միլիարդ դոլարի հատկացում՝ զենքի գնումների ֆինանսավորման համար, երկու գումարներն էլ ռեկորդային են, նշվում է Պենտագոնի կայքում:
«2024 ֆինանսական տարվա բյուջեի հարցումը կրկին ներառում է 145 միլիարդ դոլարի ռեկորդային՝ հետազոտությունների և զարգացման, փորձարկման և գնահատման ներդրումներ: Բյուջեի նախագիծը ներառում է նաև 170 միլիարդ դոլարի գնումների ֆինանսավորում, որը պատմության մեջ ամենամեծ գումարն է», - նշվում է հայտարարության մեջ:
Ընդհանուր առմամբ, պաշտպանական բյուջեի չափը 2023-ի համեմատ ավելացել է 26 միլիարդ դոլարով, իսկ 2022-ի համեմատ՝ 100 միլիարդ դոլարով: Պենտագոնը նշել է, որ բյուջեի աճը պայմանավորված է Չինաստանի կողմից աճող սպառնալիքով. դա Վաշինգտոնի «հիմնական խնդիրն է»:
