ՏԵՍԱՆՅՈՒԹ. Օդեսայի նավահանգստում խորտակվել է 860 տոննա հացահատկով բարձված նավ
Օդեսայի Ռենի նավահանգստում խորտակվել է ռումինական նավ՝ 860 տոննա ուկրաինական հացահատիկով: Այս մասին հայտնում են ռումինական լրատվականները:
Նավատիրոջ խոսքով՝ վթարը տեղի է ունեցել բեռնման աշխատանքների ժամանակ։ Ջուրը լցվել է շարժիչի հատվածում, հինգ ռումինացի նավաստիների հաջողվել է տարհանվել, սակայն նրանց չի հաջողվել փրկել նավը։
Ինչպես նշում է Vesselfinder-ը, ամենայն հավանականությամբ խոսքը Pronto նավի մասին է, որն անընդհատ անցնում է Ռումինիայի, Մոլդովայի և Ուկրաինայի նավահանգիստներով։
Հանգամանքները պարզվում են:
