Եվրոպայում իմ գործն ավարտված է. Ռոնալդու
Պորտուգալացի հարձակվող Կրիշտիանու Ռոնալդուն ասել է, որ Եվրոպայում «իր ողջ աշխատանքն արդեն արված է», և սաուդյան «Ալ Նասր» ֆուտբոլային ակումբում խաղալը նոր մարտահրավեր կլինի իր համար։
«Եվրոպայում իմ գործն ավարտված է, ես շահել եմ ամեն ինչ։ Հիմա սա նոր մարտահրավեր է ինձ համար»,- հունվարի 3-ին ասել է Ռոնալդուն, գրում է Sky Sports-ը:
Պորտուգալացի հարձակվող Կրիշտիանու Ռոնալդուն պայմանագիր է կնքել սաուդյան «Ալ Նասր»-ի հետ։ Ինչպես հայտնում է Marca թերթը, Ռոնալդուի և ակումբի միջև բանակցությունները սկսվել են նոյեմբերին՝ Քաթարում կայանալիք աշխարհի առաջնության ժամանակ։ Ըստ հրապարակման՝ ակումբը մարզիկի հետ պայմանագիր է կնքել 2,5 տարով՝ մինչև 2025 թվականը։ Գործարքի գումարը պետք է կազմեր գրեթե 200 միլիոն եվրո մեկ սեզոնի համար:
Ինքը՝ հարձակվողը, ասել է, որ ուրախ է նոր ակումբ տեղափոխվելու համար և ոգեշնչված է ֆուտբոլային թիմի աշխատանքով։ Միաժամանակ, ըստ Marca-ի, Ռոնալդուն կարող է վարձավճարով տեղափոխվել «Նյուքասլ», եթե թիմը նվաճի Չեմպիոնների լիգայի ուղեգիր, քանի որ նրա պայմանագրում նման կետ կա։
