ՀԱՊԿ-ում չեն բացառել միջուկային զենք կիրառել դաշնակիցների պաշտպանության համար

Հավաքական անվտանգության պայմանագրի կազմակերպության (ՀԱՊԿ) ռազմավարությունը թույլ է տալիս միջուկային զենքի կիրառումը դաշնակիցների պաշտպանության նպատակով։ Այդ մասին ՌԻԱ Նովոստիին հայտնել է կազմակերպությունում Ռուսաստանի մշտական ներկայացուցիչ Վիկտոր Վասիլևը։

Նրա խոսքով՝ ռազմավարության հիման վրա ընդունված փաստաթղթերը, ինչպես նաև Ռուսաստանի ռազմական դոկտրինը, նախատեսում են միջուկային զենքի կիրառման հնարավորություն, այդ թվում՝ դաշնակիցների պաշտպանության դեպքում։

«Ռազմավարության զարգացման նպատակով ընդունված փաստաթղթերը, ինչպես նաև Ռուսաստանի ռազմական դոկտրինը, նախատեսում են միջուկային զենքի կիրառման հնարավորություն, այդ թվում՝ դաշնակիցների պաշտպանության համար՝ հարձակման դեպքում»,- ասել է Վասիլևը։

Նա հավելել է, որ ՀԱՊԿ-ում ընդունված ռազմավարական փաստաթղթերում ժամանակակից սպառնալիքների թվում նշվում են նաև միջուկային ներուժ ունեցող պետությունների թվի աճի, ինչպես նաև զանգվածային ոչնչացման զենքի և դրա կրիչների տարածման ռիսկերը։