Կատարեք ստորագրած հուշագիրը. Իրանի նախագահը՝ ԱՄՆ-ին

Իրանի նախագահ Մասուդ Փեզեշքիանն ընդգծել է Վաշինգտոնին փոխըմբռնման հուշագրի պահանջները կատարելուն համոզելու անհրաժեշտությունը, քանի որ դրանով է պայմանավորված Մերձավոր Արևելքի անվտանգությունը:

«Մենք պետք է ձգտենք համոզել թշնամուն հավատարիմ մնալ ստորագրվածին։ Երկրի, տարածաշրջանի և մեր դաշնակիցների անվտանգությունը կամրապնդվի այդ հուշագրի շնորհիվ»,- X սոցիալական ցանցում գրել է նա։ Փեզեշքիանը համոզմունք է հայտնել, որ հիշյալ հուշագիրը հետագայում կդառնա Իրանի արտաքին հարաբերությունների հիմքը։

Հունիսի 18-ի գիշերը ԱՄՆ-ի և Իրանի միջև ստորագրվել է հուշագիր, որով նախատեսվում է վերջ դնել փետրվարի 28-ին բռնկված հակամարտությանը: Փաստաթղթում ներառվել են Հորմուզի նեղուցի բացումն ու Թեհրանի հավաստիացումները միջուկային զենք մշակելու ծրագրեր չունենալու վերաբերյալ:

Սակայն հունիսի 26-ի լույս 27-ի գիշերը ԱՄՆ-ն կետային հարվածներ է հասցրել Իրանին՝ ի պատասխան Հորմուզի նեղուցում նավերի գնդակոծության: Հետագայում Վաշինգտոնն ընդլայնել է հարվածների աշխարհագրությունը՝ դրանք չկապելով նեղուցով անցնող նավագնացության շուրջ ծագած վեճերի հետ։

Կիրակի գիշերը ԱՄՆ նախագահ Դոնալդ Թրամփը հայտարարել է, որ որոշել է չշարունակել Իրանի դեմ նախատեսված ավելի լայնամասշտաբ հարվածները, քանի որ ցանկանում է արագ ու խաղաղ ճանապարհով հասնել իր նպատակներին։