20:00 Լուրերը մեկ տողով. Եվրոպայում խստացվում է սահմանային հսկողությունը. Մարտի 1-ի գործով զարգացում

Անցած ժամվա լուրերը՝ հակիրճ և բովանդակային.

•Մարտի 1-ի գործով ոստիկանության նախկին պետ Հայկ Հարությունյանի վերաբերյալ քրեական վարույթն ուղարկվել է դատարան:

•Ազգային ժողովի նախագահի կարգադրություններով նշանակվել են նոր խորհրդականներ և օգնականներ:

•Իրանի ղեկավարությունը կոչ է արել Վաշինգտոնին հավատարիմ մնալ ստորագրված փաստաթղթերին՝ տարածաշրջանի անվտանգությունն ապահովելու համար:

•Դոնալդ Թրամփը քննադատել է Իրանի ղեկավարությանը և հայտարարել, որ թույլ չի տա այդ երկրին միջուկային զենք ունենալ:

•Եվրոպական հանձնաժողովը կոչ է արել խստացնել ԵՄ արտաքին սահմանների հսկողությունը Սեուտայում տեղի ունեցած միգրացիոն ճգնաժամից հետո:

•Ֆրանսիայում ամռան սկզբից ի վեր անտառային հրդեհներ բռնկելու կասկածանքով ձերբակալվել է 375 մարդ:

•«Wildberries»-ը հայտնել է, որ իր լոգիստիկ կենտրոններում բջջային սարքերի օգտագործման կանոնները մնացել են անփոփոխ:

•ԱՄՆ վարչակազմը տեխնոլոգիական առաջատար ընկերություններին հրավիրել է Սպիտակ տուն՝ արհեստական բանականության կամավոր վերահսկողության համակարգը քննարկելու: