Wildberries-ը արգելել է աշխատակիցներին պահեստներ սմարթֆոններ տանել

Wildberries-ը օգոստոսի 3-ից արգելել է աշխատակիցներին անձնական սմարթֆոններ բերել պահեստներ։ Այս մասին հայտնում է «Осторожно, новости»-ն՝ հղում անելով ընկերության ներքին ծանուցմանը։

Փաստաթղթում նշվում է, որ օդային տագնապի ժամանակ լուսանկարահանումն ու տեսանկարահանումը կարող են սպառնալ անվտանգությանը, բացահայտել հակաօդային պաշտպանության (ՀՕՊ) համակարգերի դիրքերը, խախտել Ռուսաստանի օրենսդրության պահանջները և հանգեցնել վարչական, իսկ որոշ դեպքերում նաև քրեական պատասխանատվության։

Աշխատակիցներին թույլատրվել է օգտագործել միայն տեսախցիկ չունեցող բջջային հեռախոսներ, որոնք, ըստ ընկերության, հնարավորություն կտան կապ պահպանել հարազատների հետ։

Սմարթֆոնների արգելքի մասին հայտնել է նաև «մարկետփլեյսների գործընկերների ակումբ» («Клуб партнеров на маркетплейсах») Telegram-ալիքը՝ հրապարակելով նույն ծանուցման հատվածը։

Նշվում է, որ Ռուսաստանի տասնյակ շրջաններում, այդ թվում՝ Մոսկվայում, գործում է ուկրաինական հարձակումների հետևանքների լուսանկարահանման և տեսանկարահանման արգելք։ Նման նյութերի հրապարակումը, այդ թվում՝ Wildberries-ի պահեստների վրա հարձակումների կադրերը, նախկինում արդեն դարձել են մարդկանց ձերբակալելու պատճառ։