Պելեի մահից հետո Բրազիլիայում եռօրյա սուգ է հայտարարվել. լուսավորվել է Քրիստոս Քավիչի արձանը

Բրազիլիայի կառավարությունը պաշտոնական եռօրյա սուգ է հայտարարել Պելեի` Էդսոն Արանտես դու Նասիմենտոյի մահվան կապակցությամբ։ Այս մասին տեղեկությունը տեղադրված է երկրի կառավարության կայքում։

Համաշխարհային ֆուտբոլի լեգենդի պատվին լուսավորվել է Քրիստոս Քավիչի արձանը։ Բացի այդ, Լոնդոնի «Ուեմբլի» մարզադաշտը լուսավորված է ազգային գույներով։
 

Ֆուտբոլի արքան կյանքից հեռացավ հինգշաբթի օրը՝ դեկտեմբերի 29-ին, 82 տարեկան հասակում։ Պելեն երկար ժամանակ պայքարում էր քաղցկեղի դեմ։ Մահվան պատճառը օրգանների անբավարարությունն էր։
 

Հուղարկավորությունը տեղի կունենա հունվարի 3-ին Սանտոսի ուղղահայաց գերեզմանատանը։ Հրաժեշտը տեղի կունենա հարազատ «Սանթոսի» մարզադաշտում։
 

Պելեն Բրազիլիայի հավաքականում աշխարհի եռակի չեմպիոն է: 1999 թվականին Միջազգային օլիմպիական կոմիտեն բրազիլացուն ճանաչել է դարի մարզիկ։