Կանադան պատրաստվում է Աբրամովիչի ընկերությունից բռնագրավել 26 միլիոն դոլար և այն տրամադրել Ուկրաինային
Կանադան պատրաստվում է բռնագրավել և առգրավել 26 միլիոն դոլար Ռոման Աբրամովիչի «Granite Capital Holdings» ընկերությունից, որը հայտնվել է երկրի պատժամիջոցների տակ, ասվում է կառավարության կայքում տեղադրված հաղորդագրությունում։
Համապատասխան միջոցառումների մասին հայտարարել է երկրի արտգործնախարար Մելանի Ջոլին։ Օտտավան մտադիր է առաջին անգամ դիմել նման ընթացակարգի. այժմ օրենքը թույլ է տալիս իշխանություններին կալանք դնել պատժամիջոցների տակ գտնվողների ակտիվների վրա։ Նախարար Ջոլին քննարկում է ակտիվների բռնագրավման դատական բողոքը, որը թույլ կտա միջոցներ ուղղել Ուկրաինայի վերականգնմանը։
Զեկույցում նշվում է, որ Կանադան կլինի առաջինը G-7-ի երկրներից, որը կձեռնարկի նման միջոցներ։ Բռնագրավման, և ոչ միայն ակտիվների սառեցման հարցը քննարկվում է նաև այլ երկրների կողմից։
Նոյեմբերի վերջին Եվրահանձնաժողովը մեկ այլ լուծում առաջարկեց՝ Եվրոպայում սառեցված ակտիվների կառավարման և ներդրման կառույցի ստեղծում։ «Ուկրաինային հասցված վնասը գնահատվում է 600 միլիարդ եվրո։ Ռուսաստանն ու նրա օլիգարխները պետք է փոխհատուցեն Ուկրաինային հասցված վնասը և փակեն երկրի վերականգնման ծախսերը»,- ասվում է ԵՀ-ի հայտարարության մեջ։
Հիշեցնենք, որ Եվրամիությունը պատժամիջոցներ է սահմանել Ռուսաստանի մի շարք բարձրաստիճան պաշտոնյաների, զինվորականների, գործարարների, լրագրողների դեմ։
