Ղազախական և ռուսական ցորենի արժեքն էականորեն իջնում է երկաթուղային ճանապարհով գալու դեպքում. Պապոյան

Ղազախական և ռուսական ցորենի ինքնարժեքը երկաթուղային ճանապարհով գալու պարագայում էապես իջնում է։ Այս մասին հայտարարել է ՀՀ էկոնոմիկայի նախարար Գևորգ Պապոյանը։

Վերջինս նշել է, որ «ինտրիգ է պահում», սակայն կարծում է, որ այսուհետ Հայաստան ցորեն կներմուծվի միայն երկաթուղային ճանապարհով, որը տնտեսապես շատ նպատակահարմար է։

«Էապես և՛ ղազախական ցորենի ինքնարժեքը, և՛ ռուսական ցորենի ինքնարժեքը երկաթուղային ճանապարհով գալու պարագայում իջնում է։ Թույլ տվեք ինտրիգը մի քիչ պահել, առաջիկա օրերին համապատասխան հայտարարոթյուններ և միջոցառումներ կտեսնեք»,- ասել է Պապոյանը։