Ռուսաստանը կարող է Վենեսուելային փոխանցել «Օրեշնիկ» հրթիռներ
Ռուսաստանը կարող է Վենեսուելային փոխանցել միջին հեռահարության փորձնական «Օրեշնիկ» բալիստիկ հրթիռներ։ Այդ մասին «Газета.Ru»-ին հայտնել է Ռուսաստանի Պետդումայի պաշտպանության կոմիտեի առաջին փոխնախագահ Ալեքսեյ Ժուրավլյովը։
«Ռուսաստանը Վենեսուելային մատակարարում է տարբեր տեսակի զինտեխնիկա, և չեմ բացառում, որ Կարակասին կարող են փոխանցվել նաև փորձնական «Օրեշնիկ» հրթիռներ»,– ասել է Ժուրավլյովը։
Նա հավելել է, որ Ռուսաստանի կողմից մատակարարվող զենքի ծավալներն ու տեսակները գաղտնի են․
«Հետևաբար ամերիկացիներին կարող են սպասել անակնկալներ»,– ընդգծել է պատգամավորը։
