ԵՄ-ն մտադիր է նոր երկրներ ընդունել «փորձնական հիմունքներով»՝ առանց լիիրավ անդամակցության իրավունքի

ԵՄ-ն մտադիր է նոր երկրներ ընդունել «փորձնական հիմունքներով»՝ առանց լիիրավ անդամակցության իրավունքի։ Այդ մասին հայտարարել է Եվրահանձնաժողովի ներկայացուցիչը՝ ընդգծելով, որ այս մոտեցման նպատակն է ապահովել թեկնածու երկրների փուլային ինտեգրումը ԵՄ համակարգում։

Ըստ Եվրահանձնաժողովի անդամ Կոսայի՝ փորձնական ժամանակահատվածում պետությունները կկարողանան մասնակցել մի շարք եվրոպական ծրագրերի, սակայն չեն ստանա բոլոր որոշումների կայացման լիազորությունները։ Նա հավելել է, որ եթե այդ երկրները չկարողանան համապատասխանել ԵՄ պահանջներին, նրանց հնարավոր է բացառել գործընթացից։

Այս նախաձեռնությունը դիտվում է որպես նոր մեխանիզմ՝ արագացնելու ԵՄ ընդլայնման գործընթացը՝ միաժամանակ պահպանելով միության ստանդարտներն ու չափանիշները։