Ուժգին երկրաշարժ՝ Թուրքիայում
Թուրքիայի Բալիքեսիր նահանգի Սնդըրի շրջանում նոյեմբերի 3-ին գրանցվել է 4.9 մագնիտուդով երկրաշարժ։
Թուրքիայի Աղետների և արտակարգ իրավիճակների կառավարման գործակալության (AFAD) տվյալներով՝ ստորգետնյա ցնցման էպիկենտրոնը գտնվել է Բալիքեսիրի Սնդըրի շրջանում։ Երկրաշարժը զգացվել է ոչ միայն տեղի բնակչության, այլև Ստամբուլի և հարակից մի շարք քաղաքների բնակիչների կողմից։
Նախնական տվյալներով՝ զոհերի կամ ավերածությունների մասին հաղորդումներ չկան։
