Հայտնի է՝ ինչ նվեր է ստացել Վահան Կոստանյանը Սերդար Քըլըչից
Սեպտեմբերի 12-ին Թուրքիայի հատուկ ներկայացուցիչ Սերդար Քըլըչի գլխավորած պատվիրակությունը ժամանել էր Հայաստան։ Այցի շրջանակներում Քըլըչը զարդանախշերով արծաթե ափսե է նվիրել ՀՀ արտաքին գործերի փոխնախարար Վահան Կոստանյանին: Այս մասին գրում է 24news-ը։
Կոստանյանը, օրենքի պահանջին համապատասխան, ստացած նվերը հանձնել է Կոռուպցիայի կանխարգելման հանձնաժողով։ Նվերի արժեքը գնահատվել է 101 հազար 228 դրամ։
Հիշեցնենք, որ ըստ օրենսդրության՝ 60 հազար դրամը գերազանցող նվերները պաշտոնյաները պարտավոր են հանձնել պետությանը կամ համայնքին։
