Ռոբերտ Քոչարյանի և մյուսների գործով դատարանը չընդունեց դատախազության կողմից ներկայացված նոր մեղադրանքի որոշումները

Հակակոռուպցիոն դատարանը՝ դատավոր Սարգիս Պետրոսյանի նախագահությամբ, Ռոբերտ Քոչարյանի և մյուսների գործով որոշեց թույլատրել փոխել բացառապես արարքի իրավական գնահատականը:

Դատարանը քննարկեց հանրային մեղադրողի կողմից ներկայացված արարքի իրավական գնահատականը փոփոխելու և նոր մեղադրանք ներկայացնելու մասին որոշումները, որտեղ ՀՀ սահմանադրական դատարանի, Վճռաբեկ դատարանի և ՀՀ քրեական դատավարության օրենսգրքի համաձայն՝ պետք է կայացվեր բացառապես իրավական գնահատականի փոփոխություն։

Սակայն նշենք, որ Դատախազությունը օրենքի խախտմամբ էր ներկայացրել մեղադրանքները՝ փոփոխելով փաստական նկարագիրը, որը Դատարանը չընդունեց և հանրային մեղադրողին ողջամիտ ժամանակ տրամադրեց սահմանված ժամկետում արձանագրված խախտումները վերացնելու համար:

Հաջորդ դատական նիստը նշանակվեց նոյեմբերի 24-ին՝ ժամը 10:30-ին: