ՀԱՄԱՍ-ը հայտնել է Գազայում պատանդի դի հայտնաբերելու մասին
ՀԱՄԱՍ-ի ռազմական ստորաբաժանման հաղորդմամբ՝ որոնողական աշխատանքների ընթացքում Շուջաիյա թաղամասում գտնվել է մեկ պատանդի մարմին, որը, ըստ շարժման ներկայացուցիչների, գտնվել է «դեղին գծի» ներսում։ Այս եզրույթը ՀԱՄԱՍ-ը օգտագործում է իսրայելական ուժերի վերահսկողության գոտին բնորոշելու համար։
Շարժման հայտարարության մեջ չի նշվում մահացածի ինքնությունը։ Նշվում է, որ սկսվել են նախապատրաստական աշխատանքներ՝ մարմինը իսրայելական կողմին փոխանցելու համար, սակայն ժամկետներ չեն հայտարարվում։
Միաժամանակ, Իսրայելի բանակը տեղեկացրել է, որ հյուսիսային Գազայում օդային հարվածով ոչնչացրել է զինյալին, որը անցել էր «դեղին գիծը» և մոտեցել իսրայելական դիրքերին։ Իսրայելական կողմի տվյալներով՝ այդ անձը ներկայացրել է անմիջական վտանգ, ինչից հետո իրականացվել է հարված։
