Կուրսկի շրջանում անօդաչու թռչող սարքը հարվածել է օդանավակայանին, ինչի հետևանքով նավթի պահեստավորման բաքը բռնկվել է։  Այս մասին թելեգրամյան ալիքում հայտնել է շրջանի ղեկավար Ռոման Ստարովոյտը, գրում է Дождь-ը։

Ըստ նրա՝ տուժածներ չկան, հրդեհը տեղայնացվում է։

Նախորդ առավոտյան անօդաչու թռչող սարքերը հարվածել են Ռյազանի և Սարատովի շրջանների ռազմական օդանավակայաններին։  ՌԴ պաշտպանության նախարարությունը հայտնել է, որ դրա հետեւանքով երեք զինծառայող է զոհվել, եւս չորսը՝ վիրավորվել։

Տեսանյութը՝ սոցիալական ցանցերից։