Պեմզաշենում սպանված կնոջ ամուսինը վերադարձել է գյուղ. վարչական ղեկավարը մանրամասնում է

Նոյեմբերի 9-ին Շիրակի մարզի Պեմզաշեն բնակավայրի տներից մեկում սպանված 31-ամյա կնոջ ամուսինը այսօր Ռուսաստանից վերադարձել է գյուղ։ Այս մասին Tert.am-ին հայտնեց Պեմզաշենի վարչական ղեկավար Աղասի Թադևոսյանը։

Նա նշեց, որ նախաձեռնված վարույթի շրջանակներում հարցաքաննվել են գյուղացիներից մի քանիսը։

«Այս պահին դեռ նորություն չկա, դեռ հայտնի չէ, թե երբ է լինելու հուղարկավորությունը»,- ասաց Պեմզաշենի վարչական ղեկավարը։

Հիշեցենք, որ նոյեմբերի 9–ին ողբերգական դեպք է տեղի ունեցել Պեմզաշենում, իրենց տանը մահացած վիճակում հայտնաբերվել էին 31-ամյա կնոջ  և նրա անչափահաս երեխաների դիերը։ ՔԿ-ն կադրեր է հրապարակել տնից, որտեղ դաժանորեն սպանել են մորն ու երեխաներին: