Շիրակի մարզում հայտնաբերվել են մոր ու երկու երեխայի դիեր
Շիրակի մարզի Պեմզաշեն համայնքում հայտնաբերվել են մոր ու երկու երեխայի մարմիններ։ Auroranews-ը կապ է հաստատել ՀՀ ԱԻՆ, որտեղից մեզ հայտնեցին, որ ԱԻՆ ՓԾ 911 ճգնաժամային կառավարման կենտրոն ահազանգ է ստացվել, որ բժիշկների հերթապահ խումբը կանչով մեկնել է Պեմզաշեն գյուղի տներից մեկը, որտեղ բնակիչները չեն արձագանքում դռան թակոցներին և հեռախոսազանգերին։
Դեպքի վայրում աշխատում են իրավապահները։
ԱԻՆ-ից մեզ փոխանցեցին, որ հրշեջ փրկարարները բացել են տան դուռը և հատակին հայտնաբերել են 3 դի։
Տեղեկություններ կան, որ մահացածներն են 31-ամյա Զարինե Մ-ն, 12-ամյա Կարինեն և 8-ամյա Սարգիսը, որոնց ամբողջական տվյալները ոստիկանությունն ու քննչական բաժինը պարզում են։
