ՏԵՍԱՆՅՈՒԹ. Հրդեհ՝ «Ուրարտու-2» տնտեսական ապրանքների խանութում. ժամանել են մեծ թվով հրշեջներ
Այսօր՝ օգոստոսի 25-ին, խոշոր հրդեհ է տեղի ունեցել Երևանում: Ժամը 04:15-ի սահմաններում Արտակարգ իրավիճակների նախարարության փրկարար ծառայության 911 ճգնաժամային կառավարման կենտրոն ահազանգ է ստացվել, որ Երվանդ Քոչարի փողոցի թիվ 4 հասցեում գործող «Ուրարտու-2» տնտեսական ապրանքների խանութում հրդեհ է բռնկվել:
Ինչպես հայտնում է Shamshyan.com-ը, հրդեհի վայր են ժամանել ԱԻՆ ՓԾ թիվ 3, թիվ 8 հրեջ-փրկարարական ջոկատներից մեկական մարտական հաշվարկ: Տեղում հայտարարվել է հրդեհի բարդության «ԲԻՍ 1» աստիճան:
Մինչ հրշեջների ժամանումը, քաղաքացիներն իրենց ուժերով են կանխել կրակի տարածումը: Ըստ նախնական տեղեկությունների՝ բարեբախտաբար, տուժածներ չկան: Քաղաքացիների ու հրշեջների աշխատանքի արդյունքում կանխվել է հրդեհի տարածումը առաջին հարկի խանութ և 2-րդ հարկի ՝«Վլադ Ֆիթնես» մարզասրահ:
