ՏԵՍԱՆՅՈՒԹ․ Իսպանիայում ուժգին հրդեհներ են մոլեգնում
Իսպանիայի Զամորա նահանգում հրդեհներ են մոլեգնում: Ինչպես հայտնում են միջազգային լրատվականները՝ ընդհանուր առմամբ հրդեհը երկրում ոչնչացրել է ավելի քան 20 հազար հեկտար անտառ։ Հաղորդվում է մեկ մահվան մասին։
Հիշեցնենք՝ Ֆրանսիայի հարավ-արևմուտքում, Իսպանիայում և Պորտուգալիայում չդադարող անտառային հրդեհներն այս օրերին հազարավոր մարդկանց տարհանման պատճառ են դարձել:
Մասնավորապես, Ֆրանսիայի Ժիրոնդ շրջանից հուլիսի 16-ի առավոտից տարհանվել է ավելի քան 12 հազար մարդ: Կրակի մարման աշխատանքներում ներգրավված է ավելի քան հազար հրշեջ: Նշվում է, որ հրդեհն ընդգրում է մոտ 10 հազար հեկտար տարածք:
Նմանօրինակ իրադրություն է նաև Իսպանիայում, որտեղ հրշեջները 45.7 աստիճան Ցելսիուսի պայմաններում պայքարում են կրակի դեմ: Մալագայի Միյաս բնակավայրում ավելի քան 3 հազար մարդ է տարհանվել: Նրանց մեծ մասը տեղավորվել է ժամանակավոր ապաստարաններում:
