Հակակոռպուցիոնի արձագանքը. Արփինե Հովհաննիսյանի դիտարկման հետքերով

Արփինե Հովհաննիսյանի այս դիտարկումներին հաջորդեցին բավական ուշագրավ զարգացումներ: Այսօր առավոտյան իմ քայլը հիմնադրամի գործադիր տնօրեն Աննա Հակոբյանն իր տասուղերձում մասնավորապես հայտարարել էր. «Դատելով երեկվա Հակակոռուպցիոն կոմիտեի և լրագրողների միջև տեղի ունեցած հարցուպատասխանից, չի բացառվում, որ ես քրեական պատասխանատվության ենթարկվեմ որպես «Իմ քայլը» հիմնադրամի գործադիր տնօրեն»: Նախօրեին «Իմ քայլը» հիմնադրամը հայտարարել էր անգլերենի ուսուցման անվճար դասընթացների մասին։ Հակակոռուպցիոն կոմիտեի նախագահն էլ պատասխանելով լրագրողի հարցին հայտարարել էր, որ այս կերպ չի խախտվել քրեորեն պատժելի արարք համարվող բարեգործության արգելքը։

Այսօր արդեն Auroranews-ի հարցմանն ի պատասխան Հակակոռուպցիոն կոմիտեն հայտներ էլ, որ «Իմ քայլը» հիմնադրամի գործունեությանն առնչվող վարույթ չկա:

Հավելենք, որ ՀՀ քրեական օրենսգրքի 221-րդ հոդվածը քրեական պատասխանատվություն է սահմանում ընտրությունների կամ հանրաքվեի նշանակման պահից մինչև արդյունքների ամփոփումը թեկնածուներին, կուսակցություններին և նրանց ներկայացուցիչներին ընտրողներին կամ հանրաքվեի մասնակիցներին անհատույց կամ արտոնյալ պայմաններով դրամ, սննդամթերք, ապրանք, արժեթուղթ կամ ծառայություններ տրամադրելու, ինչպես նաև բարեգործությունը քարոզչության հետ զուգակցելու համար։ Օրենքը նախատեսում է 3-ից 6 տարի ժամկետով ազատազրկում։

Նշենք, որ ՀՀ նախագահ Վահագն Խաչատուրյանն արդեն իսկ ստորագրել է հրամանագիր, ըստ որի Հայաստանում հերթական խորհրդարանական ընտրությունները կայանալու են 2026 թվականի հունիսի 7-ին: