Իրանը կոչով դիմել է ԱՄՆ-ին․ ցուցաբերեք լրջություն և խուսափեք սխալ հաշվարկներից

Իրանն ԱՄՆ-ից ակնկալում է լրջություն և իրատեսական մոտեցում՝ կոչ անելով զերծ մնալ սխալ հաշվարկներից։ Այդ  մասին հայտնել է Իրանի արտաքին գործերի նախարար Աբբաս Արաղչին՝ Եգիպտոսի արտաքին գործերի նախարար Բադր Աբդ ալ-Ատտիի հետ ունեցած հեռախոսազրույցում։ Համապատասխան գրառումը Արաղչին արել է իր տելեգրամ ալիքում։ 

«Հիշեցնելով խնդիրները դիվանագիտության միջոցով լուծելու Իրանի հանձնառությունն՝ արտաքին գործերի նախարարը նշել է, որ այս ճանապարհին հաջողությունը հակառակ կողմից պահանջում է լրջություն և իրատեսություն և խուսափում ցանկացած սխալ հաշվարկից կամ չափազանց մեծ պահանջներից», - ասված է գրառման մեջ։

Ավելի վաղ Արաղչին տեղեկացրել էր, որ Ժնևում անցկացված Իրանի և Միացյալ Նահանգների միջև անուղղակի բանակցությունների երրորդ փուլը մինչ այժմ եղել է ամենաինտենսիվը։