Խոշոր պայթյուն՝ Մոսկվայում․ կան զոհեր
Մոսկվայի Սավյոլովսկի երկաթուղային կայարանի մոտ կեսգիշերին գրանցված պայթյունի հետևանքով մահացել են ոստիկանության մեկ ծառայող և ենթադրյալ հարձակվողը։
Անհայտ տղամարդը մոտեցել է ՃՈ ծառայողական ավտոմեքենային, որտեղ գտնվել են ոստիկաններ։
Նախնական տվյալների համաձայն՝ նրա մոտ եղած անհայտ սարքը գործարկվել է մեքենայի անմիջական մոտակայքում, ինչի արդյունքում ենթադրյալ հարձակվողը մահացել է տեղում։
Դեպքի հետևանքով զոհվել է նաև ոստիկանության մեկ աշխատակից, ևս երկու ծառայող ստացել են տարբեր աստիճանի վնասվածքներ և տեղափոխվել բուժհաստատություն։
