Չինաստանը կոչ է արել լքել Իրանը

Չինաստանի իշխանությունները իրենց քաղաքացիներին կոչ են արել զերծ մնալ Իրան մեկնելուց, իսկ այնտեղ գտնվողներին՝ հնարավորինս շուտ լքել երկրի տարածքը։

Կոչը վերաբերում է ինչպես զբոսաշրջային, այնպես էլ այլ նպատակներով նախատեսվող ուղևորություններին։ Չինաստանի համապատասխան գերատեսչությունները հորդորել են քաղաքացիներին ուշադիր հետևել իրավիճակին և հաշվի առնել անվտանգության հետ կապված հնարավոր ռիսկերը։

Իրանում գտնվող Չինաստանի քաղաքացիներին առաջարկվել է անհապաղ ձեռնարկել անհրաժեշտ միջոցներ՝ անվտանգ հեռանալու համար։ Նշվում է, որ անհրաժեշտության դեպքում նրանք կարող են կապ հաստատել դիվանագիտական ներկայացուցչությունների հետ։

Պաշտոնական հաղորդագրության մեջ հավելյալ մանրամասներ չեն ներկայացվել, սակայն ընդգծվել է, որ կոչը պայմանավորված է անվտանգության նկատառումներով։