ՏԵՍԱՆՅՈՒԹ․ Սահմանվում են մոլորեցնող գովազդի չափանիշներ․ Պապոյան
Սահմանվում են մոլորեցնող գովազդի չափանիշները և այն դեպքերը, երբ համեմատական գովազդը թույլատրելի է։ Օրինակ՝ եթե գովազդվում է, թե որևէ դիետիկ հաբը կօգնի 10 օրում նիհարել 10 կիլոգրամ՝ առանց գիտական հիմնավորման կամ առանց նշելու, որ արդյունքը կախված է նաև սննդակարգից ու ֆիզիկական ակտիվությունից, ապա այդ գովազդը կարող է համարվել մոլորեցնող։ Այս մասին հայտարարել է Էկոնոմիկայի նախարար Գևորգ Պապոյանը
«Ինչ վերաբերում է համեմատական գովազդին, օրինակ՝ եթե նշվում է, որ որևէ ատամի մածուկը մաքրում է ատամները երկու անգամ ավելի լավ, քան մյուսները, նման պնդումը թույլատրելի է միայն այն դեպքում, եթե հիմնված է ճշգրիտ և ապացուցելի տվյալների վրա։ Հակառակ դեպքում այն նույնպես կհամարվի մոլորեցնող»,- ասել է Պապոյանը։
Առավել մանրամասն՝ տեսանյութում։
