Պակիստանի բանակը հայտարարություն է տարածել
Պակիստանի բանակը հայտնել է Աֆղանստանում հարյուրավոր թալիբների սպանության և 22 թիրախների վրա հարվածների մասին։
Պակիստանի բանակի խոսնակ Ահմեդ Չաուդհրին հայտնել է, որ Պակիստանի հարվածների հետևանքով սպանվել է 274 թալիբ և վիրավորվել ավելի քան 400-ը։ Նա նաև պնդել է, որ ոչնչացվել է 115 տանկ, զրահափոխադրիչ և հրետանի։
Ճեպազրույցի ժամանակ բանակի խոսնակը պարզաբանել է, որ Պակիստանի ինքնաթիռները հարվածներ են հասցրել Աֆղանստանի 22 շրջաններում գտնվող ռազմական թիրախներին։ Նա պնդել է, որ ոչնչացվել է առնվազն 83 դիրք, իսկ ևս 17-ը՝ գրավվել։
Միևնույն ժամանակ, Պակիստանը հաստատել է իր շարքերում կորուստների մասին. վերջին սահմանային բախումների ժամանակ զոհվել է առնվազն 12 զինծառայող, ևս 27-ը՝ վիրավորվել։
