Իրանում ուղղաթիռ է կործանվել. կան զոհեր

Իրանում ուղղաթիռ է կործանվել։ Այս մասին հայտնում է Tasnim News Agency-ն։

Նախնական տվյալներով՝ ուղղաթիռը կործանվել է Սպահանի մոտ գտնվող Դարչա քաղաքի շուկայում։ Վթարի պատճառների վերաբերյալ պաշտոնական տեղեկությունները ճշտվում են։

Ավելի ուշ հաղորդվել է, որ Իրանի կենտրոնական հատվածում բանակային ուղղաթիռի կործանման հետևանքով զոհվել է չորս մարդ։ Այս մասին տեղեկացրել են քաղաքի հրշեջ-փրկարարական ծառայությունները։

Զոհվածների թվում են օդաչուն և երկրորդ օդաչուն, ինչպես նաև երկու վաճառող՝ այն շուկայում, որտեղ տեղի է ունեցել կործանումը։