Ահաբեկչություն Լվովում․ հայտնի է զոհված ոստիկանի անունը
Լվովում տեղի ունեցած պայթյունների հետևանքով զոհվել է 23-ամյա ոստիկանության սերժանտ Վիկտորիա Շպիլկան։ Տուժել է 24 մարդ։
Դեպքը տեղի է ունեցել կեսգիշերին մոտ։ Ոստիկանությունը ահազանգ է ստացել քաղաքի կենտրոնում գտնվող խանութ ապօրինի ներթափանցման մասին։ Երբ պարեկային խումբը ժամանել է Դանիշիշինի փողոց, գործարկվել է առաջին ինքնաշեն պայթուցիկ սարքը։ Մի քանի րոպե անց դեպքի վայր է ժամանել երկրորդ պարեկային խումբը, ինչից հետո տեղի է ունեցել ևս մեկ պայթյուն։
Դատախազությունը քրեական գործ է հարուցել ահաբեկչության՝ ծանր հետևանքներով հոդվածով։
Վիկտորիա Շպիլկան ծնունդով Վոլինից էր, հետագայում բնակվել էր Խերսոնում։ Ավարտել էր Լվովի ներքին գործերի համալսարանը և ծառայության անցել պարեկային ոստիկանությունում։ Անցած տարվա աշնանը ամուսնացել էր, նրա ամուսինը նույնպես պարեկային ոստիկան է։
Իրավապահ մարմինները չեն բացառում, որ հարձակման հետևում կարող են կանգնած լինել Ռուսաստանի հատուկ ծառայությունները։
